23-гадовы Рыгор Брацянкоў не вярнуўся дамоў пасля канцэрта на Мінскім моры.
Сябры бачылі яго ў апошні раз каля 5-6-й гадзіны раніцы 26 мая. Яго шукае міліцыя, шукаюць валанцёры.
А «Наша Ніва» сёння ўначы атрымала камент на сайце, з якога вынікае, што з хлопцам усё ў парадку.
«Перадам Рыгору, што яго ўжо праз газету шукаюць», — напісаў ананім.
Знайшліся сведкі, хто бачыў хлопца ў кампаніі з дзяўчынай раніцай у нядзелю. Яны ехалі на аўтобусе і выйшлі за два прыпынкі да станцыі метро Трактарны завод.
«Рыгор, харэ гуляць ужо!» — напісала знаёмая хлопца ў сацыяльных сетках.
Раніцай 29 мая знайшліся сведкі, якія нібыта бачылі Рыгора на Партызанскім праспекце ў раёне Трактарнага завода (№№ дамоў 67, 69). І быў ён у іншай вопратцы. Па сцвярджэнні сведкі, хлопец паводзіў сябе неадэкватна.
Прыкметы: рост 183 см, брунет, вялікі нос, вочы блакітныя, куткі вачэй апушчаны ўніз.
Асаблівыя прыкметы: на верхняй губе злева шнар ад укуса сабакі.
Быў апрануты: сінія джынсы, футболка бэжавая з малюнкам «рыбкі», доўгая куртка чорна-зялёнага колеру.
Хто валодае інфармацыяй пра месцазнаходжанне зніклага, тэлефануйце на: (029) 163-65-12 або 102.
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай31
Каментары