Парфумерка Сафія Гройсман прэзентавала ў Мінску водар «Белая Русь № 5»
Амерыканскі парфумер з беларускімі каранямі Сафія Гройсман 14 чэрвеня прэзентавала ў Мінску водар, створаны ёю спецыяльна для Беларусі.
Як растлумачыла парфумер на
Яна расказала, што на стварэнне водару яе натхнілі ўспаміны дзяцінства. Гройсман нарадзілася ў 1946 годзе ў вёсцы Любча Навагрудскага раёна. У пасляваенны час цацак у дзяцей не было, і яна вельмі любіла фіялкі, якія раслі каля яе дома. «Гэта засталося ў маёй памяці на ўсё жыццё. Я заўсёды хацела стварыць спецыфічныя духі, якія нагадвалі б мне пра гэтую зямлю», — сказала Гройсман. Паводле яе слоў, водар фіялкі лёг у аснову духоў «Белая Русь».
Як зазначыў Уладзіслаў Ракуноў, заснавальнік «Парфумернай майстэрні Улада Ракунова», якая з’яўляецца прадстаўніком Сафіі Гройсман у Беларусі, водар «Белая Русь № 5» — гэта падарунак Гройсман радзіме. У будучыні водар будзе выпушчаны ў камерцыйных аб’ёмах, але, магчыма, ужо пад іншай назвай. «Каля года таму мы аб’явілі конкурс на месца замоўцы гэтага водару. Сёння ў нас ёсць некалькі зацікаўленых бакоў — вядомыя людзі з сусветным імем, з якімі вядуцца перамовы», — растлумачыў Ракуноў.
Паводле яго слоў, у водару будзе беларускі замоўца, пры стварэнні дызайну ўпакоўкі будуць выкарыстаны беларускія элементы, але выраб кампазіцыі і разліў духоў абавязкова будуць рабіць у Францыі.
Мяркуецца, што водар будзе дарагім. «Гэты пах не можа быць танным», — падкрэсліў Ракуноў. Кажучы пра геаграфію продажу водару, ён падкрэсліў, што для яго было б больш правільна «рухацца спачатку на Усход, а потым — на Захад».
Цяпер чытаюць
Беларусам стала складаней легалізавацца ў Польшчы — там больш не прымаюць выдадзеныя ў БССР дакументы і патрабуюць апастылі14
Каментары