У Музеі сучаснай беларускай дзяржаўнасці, які размяшчаецца ў будынку Адміністрацыі прэзідэнта, рыхтуецца да адкрыцця выстава «Дажынкі-2013».
«За гады свайго існавання фінальны акорд бітвы за ўраджай – Дажынкі – стаў па-сапраўднаму унікальным, які не мае аналагаў у свеце, святам хлебаробаў Беларусі, – піша сайт Нацыянальнага гістарычнага музея, філіялам якога з’яўляецца пляцоўка на Карла Маркса. – Высокім гонарам прадставіць дадзеную выставу ўдастоена Гомельская вобласць, якая прымала пераможцаў жніва 2013 года ў г. Жлобіне».
Сярод экспанатаў, якія 11 снежня будуць прадстаўлены на адкрыцці выставы – лялька ручной працы ў нацыянальным касцюме, пашпарт Гомельскай вобласці, філатэлістычная прадукцыя з сімволікай «Дажынак», Жлобіна і Гомельскай вобласці.
А таксама дакументальны фільм пра «Дажынкі», створаны тэлерадыёкампаніяй «Гомель», і прэзентацыйныя кнігі «Гомельская вобласць. 75 слаўных гадоў» і «Гомельшчына аграрная».
Чакаецца, што экспанаты для музея перадасць дэлегацыя з Гомельскай вобласці на чале з кіраўніком аблвыканкама Уладзімірам Дворнікам.
Зрэшты, убачыць «Дажынкі» на Карла Маркса, 38 не так лёгка. Наведванне экспазіцыі музея ажыццяўляецца ў складзе арганізаваных груп (не болей 20 асобаў) толькі па папярэднім запісе. Пасля заяўкі асоба патэнцыйнага турыста правяраецца службай бяспекі.
Цяпер чытаюць
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»11
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1616
Каментары