Прэзідэнт Украіны Віктар Януковіч звольніў кіраўніка сваёй адміністрацыі Сяргея Лёвачкіна, паведамляюць інфармагенцтвы.
Указ аб звальненні Лёвачкіна вечарам у пятніцу, 17 студзеня, быў апублікаваны на сайце прэзідэнта Украіны. Прычыны вызвалення Сяргея Лёвачкіна ад займанай пасады ва ўказе не ўдакладняюцца.
Сяргей Лёвачкін займаў пасаду кіраўніка адміністрацыі прэзідэнта Украіны з канца лютага 2010 года. Пасля таго, як у ноч на 30 лістапада 2013 года байцы спецпадраздзялення «Беркут» ужылі сілу пры спробе разгону лагера прыхільнікаў еўраінтэграцыі ў Кіеве, Лёвачкін падаў прашэнне аб адстаўцы.
Аднак тады Віктар Януковіч адхіліў яго просьбу, паабяцаўшы пры гэтым разгледзець прашэнне Лёвачкіна пра адстаўку «пасля нармалізацыі сітуацыі ў краіне».
Лёвачкін лічыўся прыхільнікам еўрапейскага выбару Украіны.
Каментары