Аляксандр Лукашэнка прапанаваў кітайскаму холдынгу Midea пашырыць свой бізнес у Беларусі. Аб гэтым кіраўнік дзяржавы заявіў сёння на сустрэчы з кіраўніцтвам гэтай кампаніі.
Прэзідэнт адзначыў, што ён упершыню сустракаецца з прадстаўнікамі кітайскага бізнесу. "Спадзяюся, што гэта першая, але не апошняя сустрэча з вамі. Перакананы, што следам за адной з буйнейшых кітайскіх кампаній да нас прыйдуць і іншыя", - сказаў ён.
Аляксандр Лукашэнка асабліва акцэнтаваў увагу на тым факце, што за кароткі перыяд часу, які прайшоў пасля яго візіту ў КНР у 2005 годзе, кітайскі холдынг інвесціраваў у стварэнне ў Беларусі вытворчасці ЗВЧ-печаў. Цяпер ужо выраблена 120 тыс. адзінак гэтай прадукцыі.
Пры гэтым кіраўнік дзяржавы падкрэсліў, "што бізнес кампаніі Midea у Беларусі будзе пад надзейнай абаронай". "Больш за тое, мы прапануем вам пашырыць сваю прысутнасць у Беларусі, у цэнтры Еўропы, і гатовы стварыць неабходныя ўмовы", - дадаў прэзідэнт.
Цяпер чытаюць
Учора Мінск зноў затапіла. Чаму сталіца не гатовая да дажджоў?4
Каментары