Прэзідэнт Беларусі Аляксандр Лукашэнка даў інтэрв'ю для ўкраінскай тэлепраграмы «Шустэр Live».
Зробленыя 23 сакавіка заявы прэзідэнта Беларусі выклікалі вялікую цікавасць ва Украіне. Савік Шустэр, аўтар і вядучы адной з найбольш папулярных, дэмакратычных і свабодалюбных ўкраінскіх тэлеперадач «Шустэр Live», папрасіў Аляксандра Лукашэнку адказаць на злабадзённыя пытанні.
Падчас інтэрв'ю закраналася тэма адказнасці кіраўніка дзяржавы за лёс краіны і яе народа.
«Што тычыцца Януковіча: Ну, які ён для мяне прэзідэнт? Вось апошні яго выступ: таварышы, спадары, я жывы, здаровы, я галоўнакамандуючы узброенымі сіламі. Адразу пытанне: А дзе твая армія?» — сказаў Аляксандр Лукашэнка.
«Прэзідэнт павінен быць са сваім народам, як бы ні было цяжка. Нават калі ў цябе заўтра будуць страляць і цябе заб'юць — твой лёс такі. Ты, значыць, павінен прынесці сябе ў ахвяру. А як жа? У рэзідэнцыі сядзець, упівацца сваёй уладай, а калі цяжка, тады збегчы? Не, я гэтага не прызнаю», — падкрэсліў беларускі лідэр.
«Таму, калі ў Радзе гучаць галасы, што прэзідэнт Януковіч самаадхіліўся ад выканання сваіх абавязкаў і збег, што супраць гэтага супрацьпаставіць?» — адзначыў кіраўнік беларускай дзяржавы.
«Ведаеце, я не хачу, каб усе падумалі, што Лукашэнка такі «пярэкрут» — учора сябраваў з Януковічам, а сёння так кажа. Я яго асуджаю як сябра. Як хочаце, так і разумейце мяне. Прэзідэнты не павінны гэтага рабіць, — упэўнены Аляксандр Лукашэнка. — Калі няма з кім ваяваць, бяры стрэльбу, ідзі адзін. Заб'юць… Мы ўсе будзем там рана ці позна. Але ні тваім сябрам, ні тваім сваякам, ні тваім сынам за цябе сорамна потым не будзе. Вось мой падыход».
Інтэрв'ю прэзідэнта Беларусі будзе паказанае ў эфіры ўкраінскага тэлеканала «Першы нацыянальны» ў праграме «Шустэр Live» у пятніцу, 28 сакавіка, у 19:30 па кіеўскім часе.
Каментары