У Беларусі надвор'е ў канцы сакавіка будзе адпавядаць кліматычнай норме, паведаміла галоўны сіноптык Рэспубліканскага гідраметэацэнтра Людміла Парашчук.
«Сёння сітуацыя пачала мяняцца. Павольна, пачынаючы з паўночнага ўсходу Беларусі, умовы надвор'я стане фарміраваць халаднаваты шырокі антыцыклон з цэнтрам заўтра днём над Фінляндыяй. Пад абаронай антыцыклону ападкаў не чакаецца. Вецер паўночна-ўсходні ўмераны», - адзначыла галоўны сіноптык. Тэмпература паветра ноччу складзе ад 0 да плюс 6 градусаў, па паўночным усходзе Віцебскай і Магілёўскай абласцей — 1—3 градусы марозу. Днём паветра прагрэецца да 7—13 градусаў вышэй за нуль, а па паўднёвым захадзе — да плюс 15 градусаў.
Паводле слоў Людмілы Парашчук, у бліжэйшыя выхадныя антыцыклон, разбураючыся, адправіцца з Фінляндыі праз Беларусь ва Украіну. Істотных ападкаў не чакаецца. Вецер паўночнай чвэрці. Тэмпература паветра ноччу будзе ад мінус 6 градусаў па паўночным усходзе - да плюс 2 па паўднёвым захадзе краіны. Днём тэрмометры пакажуць 4—9 градусаў цяпла, па захадзе Брэсцкай і Гродзенскай абласцей 10—13 градусаў вышэй за нуль.
У апошні сакавіцкі дзень чакаецца паступленне на Беларусь халаднаватых вільготных паветраных мас з поўначы Балтыйскага мора.
Месцамі пройдуць кароткачасовыя ападкі з перавагай мокрага снегу. Ноччу і раніцай на асобных участках дарог прагназуецца галалёдзіца. Ноччу тэмпература паветра будзе вагацца ад мінус 4 да плюс 2 градусаў, днём - ад 2 да 8 градусаў цяпла.
«Пасля цяперашняга «майскага» надвор'я чаканы тэмпературны фон будзе адпавядаць кліматычнай норме. У першы красавіцкі дзень характар надвор'я не зменіцца», - падкрэсліла метэаролаг.
У сярэдзіне наступнага тыдня захаваецца халаднаватае надвор'е.
У сераду тэмпература паветра ноччу ў розных раёнах краіны будзе складаць ад мінус 7 да 0 градусаў, днём яна павялічыцца да 2-8 градусаў вышэй за нуль. У асобных раёнах пройдзе невялікі снег. Ноччу і раніцай месцамі на дарогах магчыма галалёдзіца, папярэджваюць сіноптыкі
Цяпер чытаюць
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў32
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары