Прафсаюзы і арганізацыі працадаўцаў Францыі заключылі пагадненне, якое забараняе працадаўцам турбаваць сваіх супрацоўнікаў пасля заканчэння працоўнага дня, перадаюць інфармагенцтвы.
З гэтага часу работнікі кампаній могуць не адказваць на дзелавыя тэлефанаванні або электронныя паведамленні па-за працоўным часам (да 9.00 і пасля 18.00). Больш за тое работнікам рэкамендавана выключаць рабочыя смартфоны пасля сыходу з офіса і не адчыняць электронную пошту. У выніку больш за мільён грамадзян Францыі, якія працуюць у кансалтынгу і іншых сферах, наўпрост звязаных са званкамі і перапіскай, цяпер пазбавяцца «лічбавага» працоўнага часу.
Згодна з заканадаўствам, у Францыі працоўны тыдзень абмежаваны 35 гадзінамі. Аднак за кошт смартфонаў і іншых мабільных прылад працадаўцы нярэдка спрабуюць вырашыць працоўныя пытанні са сваімі супрацоўнікамі ў вячэрні час або ў ранішні — да пачатку працоўнага дня. У выніку працягласць працоўнага тыдня набліжаецца да 40 гадзін.
Францыя вядомая строгім захаваннем працоўнага заканадаўства, дзе з 21.00 да 6.00 праца забаронена. Раней кампанія Apple ужо была аштрафаваная за тое, што прымушала працаваць сваіх супрацоўнікаў па начах.
Падобныя меры ўкараняюць буйныя кампаніі і ў іншых краінах. Напрыклад, нямецкі канцэрн Volkswagen наладзіў свае паштовыя серверы такім чынам, што супрацоўнікі не могуць атрымліваць дзелавую электронную пошту, калі да канца іх працоўнага дня засталося 30 хвілін.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін2
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1414
Каментары