«Reaĺnaść i sny» складаецца з 11 трэкаў, два з якіх — каверы на Ulis. Канцэртная прэзентацыя ў Мінску пройдзе 11 красавіка.
Магілёўскі гурт Akute прадаставіў для вольнага доступу новы альбом «Reaĺnaść i sny».
«Мы першапачаткова падыходзілі да стварэння гэтага альбома больш сур’ёзна, — прызнаецца басіст гурта Раман Жыгараў. — Запіс рабіўся працяглы час у розных гарадах. Дараблялася, майстравалася, мантавалася ўсё ў Кіеве. Мы чакалі, што гучанне дыска стане больш сур’ёзным, у параўнанні з папярэднімі альбомамі. А калі ўбачылі вынік, то зразумелі, што нам проста няма чаго дадаць, ні па гуку, ні канцэптуальна… Ён неяк сам па сабе склаўся!»
Дыск складаецца з 11 трэкаў, два з якіх («Як на далоні» і «Марнатраўны сын») — каверы песень гурта Ulis.
11 красавіка ў сталічным Re:Public адбудзецца канцэртная прэзентацыя. Адмыслова для яе музыкі падрыхтавалі не менш чым двухгадзінны сэт, які складаецца з 30 песень.
Паслухаць новы альбом можна тут.
Таксама прэзентацыі пройдуць 20 красавіка ў магілёўскім клубе «Куба», 25 красавіка на гарадзенскім фэсце «Хавайся ў бульбу», 26 красавіка ў берасцейскай «Сферы» і 1 траўня ў маскоўскім клубе ArteFAQ.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін2
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1414
Каментары