У Вярхоўнай Радзе Украіны зарэгістраваны законапраект аб непераследаванні ўдзельнікаў сепаратысцкіх рухаў. Згодна з ім, калі за тры дні ГПУ не апублікуе паведамлення аб ажыццяўленні раззбраення і вызваленні будынкаў сепаратыстамі, то на чацвёрты дзень закон страціць сваю сілу.
Дакумент «Аб недапушчэнні пераследу і пакарання асоб з нагоды падзей, якія мелі месца падчас масавых акцый грамадзянскага супрацьстаяння, што пачаліся 22 лютага 2014 года», тэкст якога апублікаваны на афіцыйным сайце парламента, прадугледжвае вызваленне ад крымінальнай адказнасці асоб, «якія былі ўдзельнікамі масавых акцый грамадзянскага супрацьстаяння, што пачаліся 22 лют 2014».
Дзеянне гэтага закона распаўсюджваецца на ўдзельнікаў акцый пры ўмове, калі яны «не здзейснілі новых злачынстваў», «добраахвотна спынілі супрацьпраўныя дзеянні», «здалі дзяржаўным органам зброю, баявыя прыпасы, выбуховыя рэчывы, выбуховыя прылады, захопленую ваенную тэхніку і вызвалілі ўсе незаконна занятыя або захопленыя будынкі, у тым ліку будынкі і памяшканні органаў дзяржаўнай улады, органаў мясцовага самакіравання, праваахоўных органаў, прадпрыемстваў, устаноў і арганізацый, якія забяспечваюць жыццядзейнасць населеных пунктаў, транспарту і сувязі, ваенныя часткі, вуліцы, плошчы і іншыя грамадскія месцы» на працягу трох дзён з дня ўступлення ў сілу гэтым законам».
Закон уступае ў сілу з дня, наступнага за днём апублікавання, аднак ўводзіцца ў дзеянне з дня наступнага за днём публікацыі на афіцыйным сайце ГПУ паведамлення в.а. генпракурора аб фактычным здзяйсненні ўдзельнікамі масавых акцый раззбраення і вызваленні будынкаў.
Калі ж за тры дні ГПУ ня апублікуе адпаведнае паведамленне, то на чацвёрты дзень закон страціць сваю сілу.
Цяпер чытаюць
Беларус набыў кватэру ў Іспаніі, але яе занялі акупасы. Цяпер ён не можа яе вярнуць29
Каментары