Здароўе11

У Беларусі праходзіць Еўрапейскі тыдзень імунізацыі

У Беларусі 22-27 красавіка праходзіць Еўрапейскі тыдзень імунізацыі «Імунізацыя для жыцця».

Як паведамілі ў санітарна-эпідэміялагічнай службе Мінска, акцыя накіраваная на павышэнне ўзроўню інфармаванасці насельніцтва аб неабходнасці абароны супраць інфекцыйных хвароб, перавагах вакцынапрафілактыкі.

На працягу тыдня ў паліклініках і стацыянарах кожны жадаючы можа атрымаць кансультацыю па вакцынапрафілактыцы ў спецыялістаў. У школах арганізуюць тэматычныя круглыя сталы, лекцыі, семінары. У сталіцы таксама пройдуць гарачыя лініі па пытаннях імунапрафілактыкі: у Мінскім гарадскім цэнтры гігіены і эпідэміялогіі 24 красавіка з 9.00 да 16.00 па тэлефоне (017) 292-40-25), 25 красавіка — у Гарадскім цэнтры вакцынапрафілактыкі з 13.00 да 15.00 па тэлефоне (017) 258-76-12.

Санслужба падкрэслівае, што да 2014 года завершана рэалізацыя «Канцэпцыі развіцця стратэгіі вакцынапрафілактыкі сярод насельніцтва Мінска на 2010-2013 гады». Прыцягненне дадатковых сродкаў з гарадскога бюджэту дазволіла забяспечыць ўкараненне імунізацыі супраць ветраной воспы і коклюшу ў складзе камбінаванай вакцыны. Стратэгія вакцынапрафілактыкі Мінска ўхваленая Міністэрствам аховы здароўя і рэкамендаваная для ўкаранення ў іншых рэгіёнах краіны. Вынікам яе рэалізацыі за 2010-2013 гады з'яўляецца папярэджанне больш за 540 тысяч выпадкаў вострых інфекцыйных захворванняў, у тым ліку звыш 12 тысяч патэнцыйна смяротных і смяротных выпадкаў.

Па дадзеных Сусветнай арганізацыі аховы здароўя (СААЗ), імунізацыя дазваляе штогод прадухіляць ад 2 да 3 мільёнаў выпадкаў смерці. «Гэта адзін з самых эфектыўных з пункту гледжання кошту відаў інвестыцый у ахову здароўя з праверанымі стратэгіямі, якія забяспечваюць даступнасць імунізацыі нават для самых цяжкадаступных і ўразлівых груп насельніцтва», — адзначаецца на афіцыйным сайце СААЗ.

Між тым, па дадзеных Міністэрства аховы здароўя, каля 1% бацькоў у Беларусі добраахвотна адмаўляюцца ад вакцынацыі дзяцей. У Мінску каля тысячы дзяцей не маюць ні адной прышчэпкі.

Каментары1

Цяпер чытаюць

Анатоль Котаў ужо выязджаў у Турцыю і лічыў яе бяспечнай — крыніцы2

Анатоль Котаў ужо выязджаў у Турцыю і лічыў яе бяспечнай — крыніцы

Усе навіны →
Усе навіны

«Хапай яе за азадак, зацягні ў туалет». У Варшаве заявілі ў пракуратуру на пікап-трэнера з Беларусі Алекса Леслі7

У Беларусі пачалі прадаваць вінаград «са смакам цукровай ваты». Што за ён?

Ва Украіне загінуў беларускі добраахвотнік «Месяц»6

Прэзідэнт Польшчы наклаў вета на папраўку да закона аб дапамозе грамадзянам Украіны8

Трамп: Вайна Расіі і Украіны — асабісты канфлікт, а Пуцін не сустракаецца з Зяленскім, бо яго не любіць9

Работнікаў дзяржпрадпрыемстваў абавязваюць непасрэдна пералічваць грошы на Беларускі Чырвоны Крыж2

Пасля канцэрта Каржа з Польшчы дэпартавалі трох беларусаў6

Рэжысёр Вудзі Ален узяў удзел у Маскоўскім тыдні кіно, дзе захапляўся Расіяй і Дастаеўскім6

Жлобінскі водаканал наглядна паказаў, чаму нельга кідаць вільготныя сурвэткі ва ўнітаз9

больш чытаных навін
больш лайканых навін

Анатоль Котаў ужо выязджаў у Турцыю і лічыў яе бяспечнай — крыніцы2

Анатоль Котаў ужо выязджаў у Турцыю і лічыў яе бяспечнай — крыніцы

Галоўнае
Усе навіны →

Заўвага:

 

 

 

 

Закрыць Паведаміць