Абаронца «Барселоны» Дані Алвес паказаў усяму свету, як трэба змагацца з расізмам. Падчас гасцявога матчу з «Вільярэалам» фанаты кінулі ў футбаліста банан.
Ішла 76-я хвіліна матчу, абаронца зборнай Бразіліі і «Барселоны» Дані Алвес рыхтаваўся падаваць корнэр. І вось раптам, яшчэ перад тым як Алвес паспеў разбегчыся, у яго з трыбун кінулі банан. Звычайна ў такіх выпадках гулец пачынае абурацца, суддзя спыняе сустрэчу, але толькі не гэтым разам.
Алвес вырашыў адказаць вынаходліва. Ён пачаў есці гэты банан, і толькі пасля таго, як яго з'еў, ён і падаў вуглавы.
Ужо пасля матчу Дані Алвес патлумачыў журналістам сваю пазіцыю: «Я адзінаццаць гадоў у Іспаніі, адзінаццаць. Над гэтымі адсталымі людзьмі трэба смяяцца».
Ужо пасля матчу Алвеса падтрымалі іншыя футбалісты «Барселоны». Каманда гэтую гульню, дарэчы, выйграла з лікам 3:2.
А вось форвард «Барсы» Неймар апублікаваў у сваім інстаграме фотаздымак са сваім сынам і двума бананамі. Подпіс да гэтага фота адсутнічае, прастаўленыя толькі хэштэгі # weareallmonkeys, гэта значыць «мы ўсе малпы».
Падтрымаў Дані Алвеса і Гары Лінекер — выдатны англійскі форвард, а цяпер вядучы галоўнай футбольнай праграмы на BBC. У сваім твітары ён напісаў наступнае: «Проста бліскучая рэакцыя Алвеса, які паказаў, што да расістаў-крэтынаў трэба ставіцца з поўнай пагардай».
Цяпер чытаюць
З Лондана Мельнікава вылецела на Шры-Ланку, у яе быў каханак спартовага выгляду з Беларусі55
Каментары