Ваенна-марскога аташэ пасольства Расійскай Федэрацыі ва Украіне абвясцілі «персонай нон грата».
Пра гэта паведамілі ў Міністэрстве замежных спраў Украіны.
«Ваенна -марскога аташэ амбасады РФ ва Ўкраіне абвешчаны «персонай нон грата» ў сувязі з яго дзейнасцю, несумяшчальнай з дыпламатычным статусам у адпаведнасці з Венскай канвенцыяй аб дыпламатычных зносінах ад 1961», — гаворыцца ў паведамленні МЗС.
У выніку паспяхова праведзенай контрразведвальнай аперацыі 30 красавіка расійскі дыпламат быў затрыманы Службай бяспекі Украіны на месцы здзяйснення ім агентурнай акцыі.
У бліжэйшы час дыпламат павінен пакінуць тэрыторыю Украіны.
Пры гэтым у МЗС не называюць імя расійскага ваенна-марскога аташэ.
Каментары