У Вялікабрытаніі на 92-м годзе жыцця памерла малодшая дачка Уінстана Чэрчыля лэдзі Мэры Соамс.
Апошняя з пяці дзяцей знакамітага брытанскага палітыка памерла пасля непрацяглай хваробы ў сябе дома ў мінулую суботу, 31 мая.
«Яна была сапраўды выдатнай і выбітнай жанчынай, якая пражыла незвычайнае жыццё», — сказаў адзін з яе сыноў, член парламента ад Кансерватыўнай партыі Нікалас Соамс.
«Гэта неверагоднае супадзенне — як раз перад 70-й гадавінай высадкі саюзнікаў у Нармандыі памірае апошняе з пазасталых у жывых дзяцей Чэрчыля», — адзначыў ён.
Мэры Спенсер-Чэрчыль у гады Другой сусветнай вайны атрымала званне малодшага афіцэра дапаможнай службы. Яна суправаджала бацьку ў многіх важных паездках, у тым ліку падчас Патсдамскай канферэнцыі ў 1945 годзе, на якой Чэрчыль з амерыканскім прэзідэнтам Гары Трумэнам і савецкім лідарам Іосіфам Сталіным абмяркоўвалі пасляваенную будучыню Германіі і Еўропы.
Да канца жыцця яна цесна супрацоўнічала з Кансерватыўнай партыяй, лідарам якой некалі быў сам Чэрчыль. У апошнія гады Мэры Соамс займалася дабрачыннасцю і пісала біяграфічныя кнігі.
Цяпер чытаюць
Дэлегатка КР Карпушонак пасля маўчання апублікавала відэа14
Дэлегатка КР Карпушонак пасля маўчання апублікавала відэа
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7878
Каментары