Нельга змагацца за свае правы ў адзіночку.
Пра гэта ў інтэрв'ю сайту charter97.org сказаў былы палітвязень, прадпрымальнік і ветэран вайны ў Афганістане Мікалай Аўтуховіч, каментуючы пачатак забастовак прадпрымальнікаў у Беларусі ў сувязі ўказам Лукашэнкі №222.
— Як вы думаеце, ці прынясуць вынік пратэсты прадпрымальнікаў ва ўсёй краіне?
— Пастаўленых мэтаў нашы прадпрымальнікі не даб'юцца, улады іх не чуюць. Але плюсы ёсць — людзі пачынаюць абурацца. А то мы ўжо так дэградавалі, што нават баімся слова сказаць.
— Як бы вы параілі людзям змагацца за свае правы?
— У гэтых справах цяжка даваць парады. Кожны чалавек павінен проста заставацца чалавекам. Нават калі я зараз і скажу нейкія рэчы, бо не ўсе пачуюць, не ўсе зразумеюць… Яны ж змагаюцца толькі за сваё. Калі будзе праблема ў чужога, у суседа — яны не будуць змагацца. Вы думаеце, я не ведаю цяпер сітуацыі тут, у Ваўкавыску? Ведаю, я ж хаджу на рынкі. Тыя, хто гандлюе рэчамі — яны абураюцца, але я ведаю, што яны не будуць страйкаваць. А тыя, хто побач, іх суседзі, якія гандлююць запчасткамі і хіміяй — яны наўрад ці іх падтрымаюць. Хоць зразумела, што калі сыдзе рэчавы рынак, людзі стануць менш хадзіць за тымі ж мыйнымі і запчасткі, бо ёсць месцы, дзе можна бліжэй купіць. Яны не разумеюць, што гэта ўсё ўзаемазвязана. А нават тыя, хто разумее — яны ўсё роўна будуць маўчаць і не выйдуць.
Каму робяць балюча — тыя пішчаць, а астатнія проста за гэтым назіраюць, хіба што толькі спачуваюць. Да людзей даходзіць толькі тады, калі іх наганяе бяда, разумееце?
— Відавочна, што пры гэтай уладзе ІП заўсёды будуць на мяжы поўнага знішчэння. Можа, пара нарэшце пераходзіць у адкрытую апазіцыю?
— Мы ўжо даўно перайшлі гэтую мяжу. Мы ўжо даўно павінны былі абурацца, бо ў нас адбываецца шмат такога, чаго б за мяжой, ва ўсякай краіне Еўропы, народ проста б не пацярпеў. У нас народ трывае ўсё. Заўтра нам скажуць плаціць за паветра — будзем плаціць за паветра. Сёння нам нельга пляскаць, а заўтра нам ужо нельга будзе ўсміхацца. Людзі маўчаць, маўчаць, маўчаць… Але кожная маленькая канфліктная сітуацыя можа даць такую іскру, што пойдуць на вуліцы ўсе.
Цяпер чытаюць
«Усё так ці інакш будзе вырашацца на полі бою». Чым будзе займацца новая кіраўніца Місіі дэмакратычнай Беларусі ва Украіне?4
Каментары