Следчы камітэт Расіі распачаў крымінальную справу супраць міністра ўнутраных спраў Украіны Арсена Авакава і губернатара Днепрапятроўскай вобласці Ігара Каламойскага.
Іх падазраюць у арганізацыі забойстваў, ужыванні забароненых сродкаў і метадаў вядзення вайны, выкраданні людзей, а таксама ў перашкадджэнню законнай дзейнасці журналістаў.
Пра гэта гаворыцца ў паведамленні афіцыйнага прадстаўніка СК Уладзіміра Маркіна, апублікаваным на сайце ведамства.
Следства лічыць, што з 12 красавіка гэтага года Авакаў разам з Каламойскім і іншымі вышэйшымі кіраўнікамі Мінабароны Украіны арганізавалі і кіравалі ваеннай аперацыяй, накіраванай на забойства цывільных асоб.
У ёй удзельнічаюць вайскоўцы ўзброеных сілаў краіны, члены Нацгвардыі і «Правага сектара», а таксама байцы батальёна спецазначения «Днепр» МУС Украіны, які створаны і фінансуецца Каламойскім.
У заяве Следчага камітэта, у прыватнасці, адзначаецца, што ў ходзе сілавой аперацыі, якая праходзіць на паўднёвым усходзе краіны, «забітыя больш за 100 цывільных асоб, у тым ліку тых, хто выконвае службовую дзейнасць — журналісты Карнялюк, Валошын і праваабаронца Міронаў». Следства таксама мяркуе, што выкраданне журналістаў «Звязды» Андрэя Сушанкова і Антона Малышава было арганізавана з ведама Авакава і Каламойскага.
У бліжэйшы час следства збіраецца абвясціць іх у міжнародны вышук як асоб, «якія абвінавачваюцца ў здзяйсненні злачынстваў супраць міру і бяспекі чалавецтва».
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай31
Каментары