Усяго патроху99

Нямецкі прафесар хоча ўваскрэснуць праз 150 гадоў пасля замарозкі

Вучоны з Германіі хоча ўваскрэснуць з мёртвых праз 150 гадоў, каб адказаць на пытанне: «Ці ёсць вечнае жыццё?». Для гэтага 75-гадовы прафесар Клаўс Самес адважыўся падвергнуць сваё цела замарозцы (крыякансервацыі).

«Я не з'ехаў з глузду», — каментуе сваё рашэнне нямецкі вучоны на старонках папулярнага часопіса Bild. Клаўс Самес амаль усё сваё жыццё прысвяціў вывучэнню геранталогіі — навукі пра старэнне. Каля 20 апошніх гадоў, з 1995 года, вучоны займаецца крыёнікай, якая вывучае захаванне ў глыбокай замарозцы жывых істот, каб у будучыні іх можна было ажывіць, а пры неабходнасці і вылечыць. Таму на ўласным прафесійным вопыце Самес пераканаўся, што крыякансервацыя мае перспектывы. Вучоны лічыць, што смерць — гэта хвароба, якую можна навучыцца «лячыць».

«Сёння тэхналогія крыякансервацыі незваротная, але гадоў праз 150 чалавецтва, верагодна, навучыцца размарожваць замарожаныя клеткі», — кажа Клаўс Самес.

Самес падпісаў кантракт з амерыканскім «Інстытутам крыёнікі», у лабараторыі якога яго цела будзе знаходзіцца да тых часоў, пакуль сучасная навука не зможа ажыўляць «замарожаныя» арганізмы. Штаб-кватэра «Інстытута крыёнікі» размяшчаецца ў амерыканскім штаце Мічыган.

Маніпуляцыі, якія спецыялісты правядуць з Клаўсам, нагадваюць кадры з фантастычных фільмаў. Цела прафесара будзе даведзена да тэмпературы мінус 196 градусаў. Адзначаецца, што важна маментальна астудзіць пацыента, каб клеткі не пачалі раскладацца. Пасля таго, як будзе зафіксавана смерць мозгу, вучонага змесцяць у скрыню з лёдам, і пачнуць рыхтаваць да перавозкі ў ЗША. У «Інстытуце крыёнікі» з вен Клаўса Самеса адпампуюць кроў і заменяць яе на фізраствор, які стане цвёрдым пасля замаразкі ў камеры з вадкім азотам.

Клаўс выдаткуе на «паслугу» замаразкі 35 тыс. еўра. З іх 21 тыс. еўра ён ужо пералічыў «Інстытуту крыёнікі», яшчэ ў 14 тыс. еўра абыйдзецца транспарціроўка яго цела з Германіі ў Штаты.

***

Крыякансервацыя — нізкатэмпературнае захоўванне жывых біялагічных аб'ектаў, каб мець магчымасць размарозіць іх у будучыні з аднаўленнем іх біялагічных функцый. Метады крыякансервацыі клетачных культур, тканін, эмбрыёнаў паспяхова ўжываюцца ў сучаснай медыцыне. Вядомыя толькі адзінкавыя аперацыі па паспяховай трансплантацыі крыякансерваваных органаў, пры гэтым медыкі гавораць аб аднаўленні пасля размарозкі не цэлага органа, а толькі невялікай часткі жывой тканкі.

Каментары9

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Мяркуючы па пасажыраабароце транспарту, насельніцтва Беларусі з 2019-га скарацілася, можа, нават на 1,2 мільёна чалавек11

Мяркуючы па пасажыраабароце транспарту, насельніцтва Беларусі з 2019-га скарацілася, можа, нават на 1,2 мільёна чалавек

Усе навіны →
Усе навіны

Журналісты высветлілі імя «Доктара Зло», што катаваў украінскіх палонных у расійскай калоніі6

Лукашэнка расказаў сваё ўяўленне пра ролю прафсаюзаў у краіне6

Польку затрымалі ў Гданьску за абразу беларускі4

Жыхары «Новай Баравой» выступілі супраць цырка-шапіто ў іх раёне. Чым скончылася?6

Прарасійская актывістка Мірсалімава патлумачыла, чаму нельга забараняць чытаць «экстрэмісцкія» выданні7

Злоўленая ў Сеніцы жывёліна аказалася шалёным ваўком. У міліцыі расказалі падрабязнасці5

Як упарадкавалі сквер Амара Хаяма ў Мінску

Жанчына займалася сэксам з будысцкімі манахамі, а пасля шантажавала іх13

Беларускі школьны настаўнік расказаў, колькі зарабляе на ферме ў Нідэрландах

больш чытаных навін
больш лайканых навін

Мяркуючы па пасажыраабароце транспарту, насельніцтва Беларусі з 2019-га скарацілася, можа, нават на 1,2 мільёна чалавек11

Мяркуючы па пасажыраабароце транспарту, насельніцтва Беларусі з 2019-га скарацілася, можа, нават на 1,2 мільёна чалавек

Галоўнае
Усе навіны →

Заўвага:

 

 

 

 

Закрыць Паведаміць