Не менш за восем азербайджанскіх вайскоўцаў загінулі ў перастрэлцы на мяжы з Арменіяй. Ёсць паведамленні пра ахвяраў з армянскага боку, аднак іх дакладная колькасць невядома.
Паводле паведамлення мінабароны Азербайджана, армянскія вайскоўцы парушылі перамір'е і перайшлі на падкантрольныя Баку тэрыторыі ў Агдамскім і Тэртэрскім раёнах.
Большая частка абодвух раёнаў кантралюецца непрызнанай Нагорна-Карабахскай рэспублікай.
Арменія, Азербайджан і непрызнаны Нагорны Карабах падпісалі мірны дагавор у маі 1994 года.
У апошнія гады мірныя перамовы па Нагорным Карабаху прыпыніліся. Ваяўнічая рыторыка працягвае гучаць з абодвух бакоў, а ў зоне канфлікту ад агню снайпераў па-ранейшаму гінуць людзі.
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай30
Каментары