У Чырвоным Крыжы здзіўлены паведамленнямі аб адпраўцы з Расіі калоны з гуманітарнай дапамогай для жыхароў усходу Украіны. У МКЧК да гэтага часу не атрымалі ад Масквы спіса накіраваных грузаў.
Пра гэта заявіў у інтэрв'ю DW прадстаўнік Міжнароднага Камітэта Чырвонага Крыжа (МКЧК) Андрэ Лёрш.
Паводле яго слоў, была дасягнута прынцыповая згода усіх бакоў з тым, што Расія пры падтрымцы Чырвонага Крыжа даставіць гуманітарную дапамогу ва Украіну.
Бакі прыйшлі да высновы, што гуманітарная дапамога павінна быць перададзена МКЧК з тым, каб яго супрацоўнікі займаліся яе размеркаваннем. Пасля гэтага Чырвоны Крыж паспрабаваў атрымаць ад расейскага ўрада канкрэтны спіс таго, што яна прадастаўляе ў якасці гуманітарнай дапамогі, будуць медыкаменты, прадукты харчавання або іншыя рэчы.
«Аднак да гэтага часу мы гэтага спісу не атрымалі. Менавіта таму нас так здзівіла вестка пра тое, што з Расіі ўсё-ткі накіравана калона гуманітарнай дапамогі. Гэтыя паведамленні канчаткова нас заблыталі: цяпер мы павінны самі разабрацца ў тым, што адбываецца. У дадзены момант паступае такая колькасць рознай інфармацыі, у тым ліку і з расейскіх СМІ, што нам цяжка усё гэта прывесці да адной роўніцы», — падкрэсліў прадстаўнік Чырвонага Крыжа.
Цяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»2
Каментары