22 жніўня ў Башкартастане ва ўмовах сакрэтнасці прайшло пахаванне кантрактніка Марсэля Аратанава. Пра гэта тэлеканалу Дождь паведаміла маці загінулага.
Пахаванне адбылося 22 жніўня ў вёсцы Новатаймасава Куюргузінскага раёна, дзе пражывае яго сям'я.
«Мы ездзілі на апазнанне ў Растоўскую вобласць, прычым сваім ходам.
Нам спачатку не казалі нічога. Мы не ведалі нават, што ён 12-га памёр, мы 14-га пачулі. Дадому прывезлі, пахавалі ў дзень яго нараджэння — 22 жніўня», - распавяла яго маці.
Марсэль Аратанаў 1983 года нараджэння служыў у расійскіх узброеных сілах па кантракце 13 гадоў. Паступіў на службу ў вайсковую частку 23132, якую ў 2009 годзе перайменавалі ў вайсковую частку 65384.
Паводле атрыманай яго роднымі «пахаронкі», Аратанаў загінуў 12 жніўня гэтага года. Прычыны і акалічнасці яго гібелі родным дакладна невядомыя.
«Ён жа не на нашай тэрыторыі загінуў, як мы пачулі, на тэрыторыю Украіны яны выйшлі», — распавялі яны.
Як распавялі жыхары вёскі Новатаймасава, пахаванне прайшло паводле мусульманскіх абрадаў: для гэтага прыйшлося дастаць цела з цынкавай труны, абмыць яго і загарнуць у марлю.
Пры адкрыцці труны аказалася, што цела Аратанава знявечанае: у яго не было галавы, і родным прыйшлося апазнаваць яго па рубцах і радзімках на целе.
Цяпер чытаюць
Арыштаваны дырэктар Палаца Рэспублікі, адзін з арганізатараў Марафона адзінства6
Каментары