Старшынёй Брэсцкага гарвыканкама прызначаны Аляксандр Рагачук. Раней ён быў кіраўніком Маскоўскага раёна горада.
Аляксандр Рагачук стаў вядомым падчас працы галоўным ідэолагам Брэстчыны. Тады былы вайсковец увёў абавязковы беларускамоўны дзень у арганізацыі. Па серадах ягоны аддзел размаўляў толькі па-беларуску.
«Мы ж працуем з наведвальнікамі, у тым ліку з беларускамоўнымі пісьменнікамі, журналістамі, прадстаўнікамі творчай інтэлігенцыі… Родную мову мы ведаем! Я, напрыклад, беларускую школу скончыў. Але гаварыць з нязвычкі цяжкавата. Таму вырашылі раз у тыдзень размаўляць паміж сабой па-беларуску. Каб лепей размаўляць, для практыкі! І я, напрыклад, няўтульна сябе адчуваю, калі не магу правільна адказаць па-беларуску. Бо гэта нават правіла добрага тону», — казаў ён «Камсамольскай праўдзе».
* * *
Аляксандр Рагачук: «Усё роўна пяройдзем на беларускую мову»
Аляксандр Рагачук
Нарадзіўся ў 1965 у вёсцы Шыповічы Кобрынскага раёна. Скончыў Курганскае вышэйшае ваенна-палітычнае авіяцыйнае вучылішча, служыў у Афганістане. З 1988 года служыў на афіцэрскіх пасадах у Расіі, быў выкладчыкам у Самары.
У 2000 года вярнуўся ў Беларусь, працаваў у Кобрынскім райвыканкаме. У 2004-2010 — начальнік ідэалагічнай працы Брэсцкага аблвыканкама, у 2010-2014 — кіраўнік адміністрацыі Маскоўскага раёна Брэста.
Цяпер чытаюць
Былы выкладчык Іняза перайшоў на беларускую ў эміграцыі. Ён разважае пра лёс універсітэта, беларусаў за мяжой і адрозненне нас ад палякаў1
Каментары