У 1947 годзе былы прэм'ер-міністр Вялікабрытаніі Уінстан Чэрчыль звярнуўся да ЗША з заклікам правесці атамную бамбардзіроўку Масквы, каб абараніць Еўропу ад савецкай экспансіі, сведчаць рассакрэчаныя дакуманты амерыканскага ФБР.
Сваю прапанову прэзідэнту ЗША Гары Трумэну Чэрчыль перадаў праз сенатара-рэспубліканца Стайлза Брыджэса, які знаходзіўся з візітам у Брытаніі, піша dailymail.co.uk.
Чэрчыль лічыў, што толькі знішчыўшы камуністычную вярхушку на чале са Сталіным, можна абараніць Захад. Адзінае ўратаванне для цывілізацыі — абвясціць СССР пагрозай для міру і атакаваць яго,
пісаў палітык, які з 1940 па 1941 гады адзіны супрацьстаяў Гітлеру.
У той час у СССР не было магчымасці абараніцца ад атамнай атакі ці адказаць сваім ядзерным ударам — савецкая бомба была выпрабаваная толькі ў 1949 годзе.
У 1948 годзе СССР заблакаваў любую наземную сувязь Заходняга Берліна са знешнім светам. Амаль цэлы год усе прадукты берлінцам пастаўлялі толькі самалёты авіяцыі ЗША, Вялікабрытаніі і іншых заходніх краінаў.
У 1945 годзе Чэрчыль, які заўсёды быў антыкамуністам, прайграў выбары і сышоў з пасады прэм'ера, аднак зноў стаў на чале ўрада Брытаніі ў 1951-м.
Менавіта яму належыць выраз «жалезная заслона» (1946). Гэты выраз дагэтуль выкарыстоўваецца пры апісанні сітуацыі ў падкантрольных камуністам краінах падчас халоднай вайны.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін3
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1616
Каментары