Віцэ-прэм'ер Русы: Расія пагадзілася фіксаваць цэны пры імпарце беларускіх прадуктаў у доларах па курсе Цэнтрабанка
Пра гэта паведаміў 20 снежня журналістам у Савеце Міністраў намеснік прэм'ер-міністра Беларусі Міхаіл Русы па выніках сустрэчы з удзелам віцэ-прэм'ераў дзвюх краін, якая адбылася 19 снежня ў Маскве.
«Мы дамовіліся, каб цэны на прадукцыю, якую мы плануем на экспарт у Расею, былі фіксаваныя ў доларах па факце перадаплаты па курсе Цэнтрабанка Расійскай Федэрацыі. Расійскі бок згодны — так зручна працаваць, не трэба кожны дзень разглядаць кантракты і не трэба падвяргаць адзін аднаго нейкім сумневам», — сказаў віцэ-прэм'ер.
Як паведамлялася, Аляксандр Лукашэнка 18 снежня на нарадзе па эканамічных пытаннях запатрабаваў ад урада Беларусі весці разлікі з Расіяй у цвёрдай валюце — далярах ці еўра.
Каментары