Прадстаўнік «ЛНР»: Дата сустрэчы кантактнай групы ў Мінску застаецца нявызначанай
Сустрэчы кантактнай групы па Украіне ў нядзелю не будзе, паведаміў упаўнаважаны ЛНР на перамовах, намеснік старшыні Народнага савета Уладзіслаў Дэйнега.
Раней прэзідэнт Украіны Пятро Парашэнка анансаваў правядзенне чарговай сустрэчы трохбаковай кантактнай групы ў Мінску ў нядзелю, 21 снежня.
«Сёння яе не будзе, я знаходжуся тут, у Луганску. У Мінск сёння паспець не магу. Мы гатовыя выязджаць з (афіцыйным прадстаўніком ДНР) Пушыліным ў любы момант», — сказаў ён па тэлефоне.
У пятніцу прадстаўнікі ДНР, ЛНР і Кіева праводзілі відэаканферэнцыю, на якой не ўдалося ўзгадніць дату новага раўнду перамоваў у Мінску.
Дэйнега адзначыў, што кіеўскі бок пакуль не можа заявіць пра гатоўнасць да сустрэчы, паколькі ім яшчэ патрэбны час, каб абмеркаваць пытанні, якія ўзніклі на відэаканферэнцыі.
Паводле яго слоў, кіеўская бок абмяркоўвае пытанні парадку дня будучай Мінскай сустрэчы. Дэйнега нагадаў, што па выніках відэаканферэнцыі было ўзгодненае пэўнае кола пытанняў.
Паводле Дэйнегі, у парадак дня ўваходзіць рэалізацыя мерапрыемстваў мінскага мемарандума, у тым ліку запуск законаў аб асаблівым статусе Данбаса, закон аб амністыі і яго прымяненне, абмен палоннымі «ўсіх на ўсіх» з вызначэннем этапнасці гэтага працэсу, зняцце блакады.
Цяпер чытаюць
Рэпрэсіі разганяюцца ці запавольваюцца? Давайце лічыць6
Каментары