Дзясяткі тысяч беларусаў і тысячы прапрыемстваў пацярпелі ў выніку найбуйнейшай у гісторыі краіны хакерскай атакі.
Задума зламысьнікаў была даволі простая: атаку заплянавалі на выходныя, калі большасьці спэцыялістаў няма на працы. Для карыстальнікаў гэта выглядала як рэзкае замаруджваньне загрузкі старонак. Наступствы маглі быць і больш разбуральнымі, калі б не ўмяшальніцтва беларускіх і расейскіх спэцыялістаў. На тое, каб даць рады атацы, спатрэбілася 4 гадзіны.
Юры Зісер, генэральны дырэктар інтэрнэт‑парталу Tut.by: «Мэханізм такі: з дапамогай вірусаў тысячы кампутараў па ўсім сьвеце замбуюцца, у пэўны момант ім можна даць каманду й яны пачынаюць дасылаць фальшывыя запыты на зададзены сэрвэр. Інакш кажучы, нас замовілі».
Вячаслаў Тальянаў, начальнік аўтаматызаваных сыстэм кіраваньня беларускай фірмы: «Ёсьць так званая ДОС‑атака, задосіць машыну, як у іх называецца — гэта як атрымаць мэдаль на Алімпійскіх гульнях. Тое ж самае і ў хакераў адбываецца. Калі, можа, і не патрэбная гэтая інфармацыя, але сам факт сказаць: а вось я затакаваў і задосіў Tut.by…»
Матэрыяльную шкоду ад атакі яшчэ належыць падлічыць. Ужо вядома, што ў аднаго зь беларускіх прадпрыемстваў з‑за непаладак у сетцы пад пагрозай зрыву апынуўся кантракт на мільёны даляраў. Кіраўніцтва інтэрнэт‑парталу мае намер падаць заяву ва ўпраўленьня «К» — гэта падразьдзяленьне МУС адмыслова створана для барацьбы са злачынствамі ў сфэры высокіх тэхналёгій.
Васкрасенскі: Адкрываецца неба — і Алесь Бяляцкі адразу выходзіць31
Каментары