«Беларусбанк» праінфармаваў кліентаў аб закрыцці ад сённяшняга дня дэпазіта «Гарант».
«Антыдэвальвацыйная» прапанова карысталася попытам у тых, хто падчас фінансавага крызісу застаўся з беларускімі рублямі на руках, але больш не верыў у трываласць нацыянальнай валюты. Даходнасць «Гаранта» разлічвалася па наступнай схеме. Ёсць асноўная стаўка — 10-15% гадавых, — а таксама дадатковая. Яна залежыць ад таго, наколькі вырасце афіцыйны курс даляра.
Напрыклад, калі праз год курс складзе 25 000 рублёў (вырасце амаль на 70%), то і стаўка даходнасці склала б больш за 80%.
Але калі курс замарозіцца, то кліент застанецца з асноўнымі 10—15%, і не больш за тое.
Гэты тып дэпазітаў стаў асабліва папулярным пасля ўвядзення валютнай камісіі і з’яўлення некалькіх курсаў. Тады існавала вельмі выгадная формула: «стаўка дэвальвацыі, памножаная на 4 + бонус 10%». Тыя, хто тады адчуў сітуацыю і аднёс грошы ў банк, цяпер трымаюць свае рублі больш чым пад 150% гадавых!
У выніку банкі спачатку змянілі ўмовы па новых кантрактах — грошы можна было пакласці толькі на год. А максімальную стаўку абмежавалі.
Цяпер жа «Беларусбанк» цалкам закрыў «Гарант». «Белаграпрамбанк» закрыў аналагічны ўклад яшчэ ў першай палове студзеня, а банк «БелВЭБ» прывязаў стаўку да золата, а не даляра.
Цяпер чытаюць
Былы выкладчык Іняза перайшоў на беларускую ў эміграцыі. Ён разважае пра лёс універсітэта, беларусаў за мяжой і адрозненне нас ад палякаў1
Каментары