Навуковец NASA прапанаваў зачапіцца за камету, каб пакінуць Сонечную сістэму
Караблі зямлян могуць заняцца «аўтастопам па галактыцы» — такую ідэю прапанаваў навуковец Масахіра Она, перадае Geektimes.
Она параўноўвае ідэю «аўтастопу па галактыцы» з рыбалкай: вялізная рыба трапляе на прынаду рыбака, але спрабуе ўцячы ды цягне лодку за сабой. Падобным чынам касмічны карабель можа запусціць гарпун у камету і, трымаючыся на канаце з нанавалакна, вандраваць на далёкія адлегласці з мінімальнымі затратамі энергіі і лёгка прадказальнай траекторыяй.
Такой «рыбалкай» можна даставіць карабель да Плутона за 5 з паловай год. Гэта ў два разы хутчэй за зонд New Horizons, які ляціць да Плутона з 2006 года.
Ідэя «касмічнага аўтастопу» сёння не выйшла за межы тэорыі, фінансаванне такога праекту ніхто пакуль не прапанаваў.
Збліжэнне з каметай — цяжкая, але не немагчымая задача. У лістападзе 2014 года чалавецтва ўпершыню пасадзіла касмічны зонд на камету 67P / Чурумава-Герасіменкі.
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе65
Каментары