Украіна на мяжы банкруцтва: грыўня ўпала да 25 за даляр, золатавалютныя рэзервы скурчыліся да 6,4 млрд
Рэальны курс украінскай грыўні на міжбанкаўскім валютным рынку ў пятніцу да сярэдзіны таргоў знізіўся да 25—26 грывень за даляр з 25 грывень за даляр па выніках таргоў у чацвер.
Паводле дадзеных удзельнікаў рынка, рэальныя каціроўкі да 12:30 на міжбанку дасягнулі ўзроўню 26-26,5 грыўні за даляр — новага гістарычнага мінімуму.
Курс грыўні на міжбанку ў 2015 годзе знізіўся на 27,6% — з 19 грыўняў за даляр.
Афіцыйны курс грыўні, устаноўлены Нацбанкам, апусціўся да 23 за даляр.
Падтрымліваць курс няма чым: золатавалютныя рэзервы зменшыліся да 6,4 млрд. Для параўнання: яны былі 15,4 млрд на момант уцёкаў з краіны Віктара Януковіча і 34 млрд пры канцы кіравання аранжавых сілаў у 2010 годзе.
Так Расія шляхам узброенай агрэсіі, газавай блакады і эмбарга на імпарт украінскіх тавараў за год паставіла Украіну на мяжу банкруцтва.
Украіне пагражае дэфолт па яе міжнародных забавязаннях. Далейшае вядзенне вайны ва ўмовах фінансавага паралічу таксама становіцца праблематычным.
-
Два гады таму ЗША прыслалі самалёт і забралі ў дыктатара Нікарагуа 222 палітвязняў. Што з імі адбывалася далей?
-
Трамп даў Пуціну яшчэ два тыдні і дапусціў, што запросіць яго на чэмпіянат свету па футболе
-
«Я вельмі злы з-за гэтага. Перадай Славакіі». Трамп адказаў Орбану на ягоную скаргу на ўкраінцаў
Каментары