Каэфіцыент шлюбнасці насельніцтва ў Беларусі — адзін з самых высокіх у Еўропе. Аб гэтым паведаміла на прэс-канферэнцыі намеснік начальніка аддзела народанасельніцтва, гендарнай і сямейнай палітыкі Міністэрства працы і сацыяльнай абароны Марына Арцёменка.
Паводле слоў спецыяліста, шлюбна-сямейныя паводзіны характарызуюцца схільнасцю да ўзяцця шлюбаў, іх афіцыйнай рэгістрацыі. Агульны каэфіцыент шлюбнасці ў рэспубліцы ў 2014 годзе склаў 8,9 на 1000 чалавек насельніцтва (у 2013 годзе — 9,2 праміле).
Змяняецца ўзроставая мадэль нараджальнасці: пытанні стварэння сям'і і нараджэння дзяцей часта адкладваюцца моладдзю на больш сталыя гады жыцця. Для рэспублікі характэрна тэндэнцыя павелічэння сярэдняга ўзросту жанчын пры ўступленні ў першы шлюб. Калі ў 2000 годзе ўпершыню ўступалі ў шлюб жанчыны ва ўзросце 22,8 года, мужчыны — 25 гадоў, то ў 2014 годзе сярэдні ўзрост жанчын, якія ўступілі ў першы шлюб, склаў 25,3 года, мужчын — 27,4 года.
Назіраецца зніжэнне колькасці разводаў пры адначасовым зніжэнні колькасці ўзятых шлюбаў. У 2014 годзе колькасць шлюбаў склала 83,9 тыс. (у 2013-м — 87,1 тыс.), разводаў — 34,9 тыс. (у 2013-м — 36,1 тыс.). Каэфіцыент разводаў у мінулым годзе склаў 3,7 праміле (у 2013-м — 3,8 праміле).
У мінулым годзе ў рэспубліцы нарадзілася 118,5 тыс. дзяцей, што з'яўляецца самым высокім паказчыкам за апошнія 20 гадоў. У студзені-сакавіку бягучага года пазітыўныя тэндэнцыі нараджальнасці захоўваюцца — у рэспубліцы нарадзілася 27,8 тыс. дзяцей — на 122 дзіцяці больш, чым у аналагічным перыядзе мінулага года.
Паводле даных перапісу насельніцтва 2009 года, у Беларусі пражывае амаль 2,7 млн сем'яў, з іх 1,2 млн (амаль 45 працэнтаў) маюць дзяцей ва ўзросце да 18 гадоў (паводле перапісу 1999 года — 56 працэнтаў сем'яў). На 1 студзеня 2015 года колькасць насельніцтва рэспублікі склала 9 млн 480,9 тыс. чалавек, з іх 4 млн 409,2 тыс. мужчын і 5 млн 71,7 тыс. жанчын. На 1000 мужчын прыпадае 1150 жанчын (сярод гарадскога насельніцтва — 1167, сярод сельскага — 1095).
«Наша краіна не мае значных прыродных багаццяў, асноўны яе рэсурс — гэта чалавечы патэнцыял, аснова якога закладваецца ў сям'і. Ад сям'і залежыць усё: і эканоміка, і дабрабыт, і адукацыя, і маральнасць у грамадстве», — сказала Марына Арцёменка.
-
Дырэктарка дзіцячага цэнтру, дзе размаўляюць выключна на рускай, абвінавачвае чыноўнікаў і дзяржаўных журналістаў у хлусні
-
Гісторыя ў ЕГУ — гэта гістфак вашай мары. Еўрапейскі дыплом з навучаннем на беларускай мове пры інтэнсіўным вывучэнні англійскай. І поўная свабода
-
МЗС: Пацярпелых сярод беларусаў у Ізраілі і Іране няма
Цяпер чытаюць
Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска6
Каментары