На Youtube з’явіўся першы трэйлер фільма «Бульвар» — апошняй стужкі, у якой здымаўся Робін Уільямс.
Фільм быў упершыню паказаны на кінафестывалі Трайбэка (Нью-Ёрк, ЗША) ў 2014 годзе, але выйдзе ў шырокі пракат толькі 10 ліпеня 2015 года.
Драма «Бульвар» рэжысёра Дыта Мантыэля распавядае гісторыю Нолана (Робін Уільямс), які жыве манатонным жыццём, ужо 26 год працуе ў банку. Яны з жонкай Джой (Кэці Бэйкер) прынялі шлюб як зручнае адцягненне ад рэчаіснасці. Але адзін дзень, што пачаўся як паездка без мэты па незнаёмай вуліцы, становіцца лёсавырашальным: Нолан сустракаецца з Леа (Раберта Агуаер), што выводзіць яго з «зоны камфорту» і прымушае інакш паглядзець на жыццё.
«Бульвар» стане апошнім з’яўленнем Робіна Уільямса на экране. Але ў фільмаграфіі акцёра таксама значыцца «Усё як ты захочаш» — у фільме, што выйдзе ў 2016 годзе, Уільямс агучыў сабаку Дэніса.
***
Робін Уільямс — акцёр, прадзюсар і спявак, уладальнік «Оскара» за найлепшую ролю другога плану за фільм «Разумнік Уіл Хантынг», дзвюх «Эмі», шасці «Залатых глобусаў» і чатырох «Грэмі». Найбольш вядомы па ролях у фільмах «Таварыства мёртвых паэтаў», «Абуджэнне», «Джуманджы», «Доктар Адамс», «Флабер», «Двухсотгадовы чалавек», «Ноч у музеі», «Аўгуст Раш». Скончыў жыццё самагубствам у 2014 годзе ва ўзросце 63 год.
Цяпер чытаюць
«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту1
Каментары