Брэст: Спынілі крымінальную справу супраць пенсіянера, які размаляваў свой плот палітычнымі графіці
Крымінальная справа была распачатая напрыканцы мінулага года ў адносінах да 63-гадовага мясцовага жыхара Міхаіла Лукашэвіча, які на плоце каля свайго дома на працягу некалькіх гадоў усталёўваў самаробныя палітычныя плакаты.
У час следства ў хаце брэсцкага пенсіянера адбыўся ператрус, былі канфіскаваны шклянкі з фарбай і грунтоўкай. Акрамя таго, невядомыя асобы замалявалі некаторыя элементы палітычнага «графіці» на плоце. Сам Лукашэвіч у гэты час быў змешчаны ў Рэспубліканскі навукова-практычны цэнтр псіхічнага здароўя («Навінкі»), дзе лекары прызналі яго псіхічны стан задавальняючым.
У Следчым камітэце не разгалошвалі звесткі пра гэтую крымінальную справу і не было вядома, якія канкрэтна палітычныя плакаты палічылі паклёпам на кіраўніка дзяржавы. Нарэшце прыйшла інфармацыя, што справа спыненая з-за адсутнасці складу злачынства.
Туск заявіў пра гатоўнасць адкрыць Баброўнікі і Кузніцу з лістапада55
Каментары