23—24 лютага на «Лініі Сталіна» адбудзецца ваенна‑тэатралізаваны паказ, прысвечаны 90‑годдзю Узброеных сіл Беларусі.
23 і 24 лютага на тэрыторыі гісторыка‑культурнага комплексу «Лінія Сталіна» пад Мінскам адбудзецца ваенна‑тэатралізаваны паказ, прысвечаны 90‑годдзю Узброеных сіл Рэспублікі Беларусь.
Як паведаміла прэс‑служба Міністэрства абароны, наведнікі змогуць убачыць рэканструкцыю баявых дзеянняў Рагачоўска‑Мазырскай аперацыі 1944 года. Удзельнікі паказу — ваеннаслужачыя Узброеных сіл, члены ваенна‑патрыятычных клубаў «Салдаты Перамогі» і «Таварышы па зброі». У рэканструкцыі будуць задзейнічаныя танкі, артылерыя, авіяцыя.
Упершыню на «Лініі Сталіна» адбудзецца парад пакаленняў, у якім возьмуць удзел больш чым 700 ваеннаслужачых у форме і са зброяй розных перыядаў ваеннай гісторыі краіны. Таксама госці свята змогуць азнаёміцца з узорамі ваеннай тэхнікі часоў Вялікай Айчыннай вайны і пасляваенных гадоў.
Цяпер чытаюць
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер3
Каментары