Ілжэміліцыянты абвінавачаныя ў рабаванні і гвалтаванні прастытутак
З некаторых у сябе дома здзекаваліся па 2-3 дні.
Паводле матэрыялаў 10 упраўлення па Мінскай вобласці ГУБАЗіК, МУС распачатая крымінальная справа супраць чатырох жыхароў Мінскага раёна, чыімі ахвярамі сталі жанчыны, якія займаліся прастытуцыяй, паведамляецца на сайце МУС.
Мужчыны 24-29 год выкарыстоўвалі кашулі, шаўроны і пагоны невядомага ўзору, імітацыі пасведчанняў супрацоўнікаў МУС і кабуры з пнеўматычнымі пісталетамі. Пад выглядам міліцыянтаў адымалі грошы ў прастытутак, гвалцілі іх і вывозілі за горад.
Некаторых ахвяр злачынцы трымалі ў сябе дома па 2-3 дні, дзе здзекаваліся з іх.
Паведамляецца, што злачынцы пазнаёміліся ў месцах пазбаўлення волі, адкуль выйшлі каля двух год таму. Яны ўсведамлялі нелегальны статус прастытутак, чым вырашылі скарыстацца. Вызначана больш за 10 жанчын ва ўзросце 25-30 год, якія сталі іх ахвярамі.
Тры ўдзельнікі злачыннай групоўкі змешчаныя ў СІЗА, яшчэ адзін адпушчаны пад абавязальніцтва пра яўку. Распачатыя справы па сямі артыкулах крымінальнага кодэксу РБ па цяжкіх і асабліва цяжкіх злачынствах. ГУБАЗіК і Следчы камітэт шукаюць іншых удзельнікаў злачыннай групоўкі і магчымых пацярпелых.
Цяпер чытаюць
Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу10
Каментары