У Нью-Ёрку прайшоў канцэрт спявачкі з Беларусі Таццяны Матафонавай ВІДЭА
У нядзелю, 11 кастрычніка, беларусы Нью-Ёрка сабраліся ў грамадска-царкоўнай залі на Атлантык-Авеню, 401.
Амаль кожны тыдзень у гэтым беларускім цэнтры адбываюцца нейкія імпрэзы, мерапрыемствы, акцыі. Гэтая была асабліва цікавая, бо чакаўся канцэрт вядомай сьпявачкі Таццяны Матафонавай з Мінска. Таццяну нью-ёркскія беларусы добра ведаюць. У 2009 годзе яна ўжо была тут з канцэртам і пакінула самыя добрыя ўражанні і ўспаміны. Таму цяпер яе віталі з асаблівай цеплынёй і цікавасцю. Шчымлівыя родныя беларускія мелодыі расхвалявалі прысутных, адгукнуліся у сэрцах болем і смуткам па далёкай Бацькаўшчыне. У многіх былі слёзы на вачах. Прысутныя сардэчна дзякавалі таленавітай сьпявачцы і актыўную прапагандыстцы беларускай культуры. Запрашалі ў будучыні зноў завітаць у Нью-Ёрк.
Таццяна Матафонава ў Нью-Ёрк прыехала з нагоды прафесійных музычных студый і адначасна пагадзілася парадаваць сваімі спевамі амерыканскіх беларусаў у Нью-Ёрку і Кліўлендзе. Канцэрт гэты ніяк не быў прымеркаваны да той палітычнай падзеі, якая у гэты дзень адбывалася ў Беларусі. Аднак, у слухачоў ён выклікаў не толькі эмацыянальныя пачуцці, але і абвострыў цікавасць да так званых прэзідэнцкіх выбараў. Пасьля канцэрту ўвага прысутных накіравалася на вялікі экран на сцэне, дзе можна было назіраць наўпроставы рэпартаж пра акцыю пратэсту ў цэнтры Менска.
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай29
Каментары