У Беларусі не было затрымання футбольных фанатаў за тое, што яны выкарыстоўвалі шалік з выявай герба «Пагоня», гэтыя людзі былі затрыманыя за правапарушэнне. Пра гэта сказаў сёння журналістам міністр унутраных спраў Беларусі Ігар Шуневіч, паведамляе БелТА.
Міністр кажа, што ў Беларусі не існуе адміністрацыйнай адказнасці за выкарыстанне такога герба. «Не трэба ў гэтай сувязі спекуляваць на такой інфармацыі. Гэта была банальная сітуацыя, калі заўзятары лаяліся нецэнзурна і не рэагавалі на заўвагі».
Трое заўзятараў зборнай Беларусі былі затрыманыя падчас гульні адборачнага турніру Еўра-2016 Беларусь — Македонія, што прайшоў на «Барысаў-Арэне» вечарам 12 кастрычніка.
Міліцыя сцвярджае, што «яны нецэнзурна лаяліся», заўзятары настойваюць на тым, што іх затрымалі за шалікі з гістарычным гербам «Пагоня». Ноч і раніцу яны правялі ў пастарунку.
Вечарам 13 кастрычніка ў раённым судзе Барысава быў абвешчаны прысуд. Віталю Буцько, Змітру Хведаруку і Юрыю (прозвішча называць не захацеў) прысудзілі штрафы ў 10 базавых велічынь (1,8 мільёны рублёў). Іх абвінавацілі ў дробным хуліганстве і непадпарадкаванні міліцыі.
Інцыдэнт набыў вялікі розгалас у заўзятарскіх колах і ў інтэрнэце.
Глядзець таксама:
Зміцер Хведарук: У міліцыі нам казалі: «Вы хочаце, каб было, як у Луганску, дзе бандэраўцы ядуць дзяцей?»
«За шалік з «Пагоняй» цябе могуць назваць фашыстам». Як прыйсці на фан-сектар зборнай і трапіць у суд
ФК «Нёман» заступіўся за свайго заўзятара: Ён не мог апусціцца да нецэнзурнай лаянкі
Асуджаны фанат: «Затрымалі за шалік з зарэгістраванай сімволікай — «Пагоняй». Пра што тут яшчэ можна казаць…»
«Слова на «п» и «д». Как осудили фанатов сборной Беларуси
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай31
Каментары