Саакашвілі заклікаў заняцца не толькі Корбанам, але і Каламойскім: «Гэтыя людзі рабуюць Украіну, адкуль у іх грошы?»
Кіраўнік Адэскай аблдзяржадміністрацыі Міхаіл Саакашвілі зрабіў гучныя заявы, каментуючы ў эфіры тэлеканала «1+1» затрыманне кіраўніка палітрады партыі «Укроп» Генадзя Корбана.
Адпаведны відэазапіс з'явіўся ў Youtube.
Адэскі губернатар у сваёй прамове, сярод іншых, жорстка раскрытыкаваў і бізнэсмэна Ігара Каламойскага, якому належыць тэлеканал.
«Гэтыя людзі рабуюць Украіну, адкуль у іх грошы? Трэба займацца і Корбанам, і Каламойскім, і Іванчуком, і Мартыненкам (апошнія двое блізкія да прэм'ера Арсенія Яцанюка)… Усе злодзеі павінны сядзець у турме, у тым ліку, з каманды прэзідэнта і каманды прэм'ера», — заявіў ён.
У выніку вядучая фактычна перапыніла прамову Саакашвілі.
Цяпер чытаюць
Якія гарады найбольш пацярпелі ад палітычных рэпрэсій? Вось спіс10
Каментары