Лядовую арэну ў Шклове плануецца ўвесці ў строй у 2016 годзе, паведаміў сёння на прэс-канферэнцыі старшыня Магілёўскага аблвыканкама Уладзімір Даманеўскі.
Гэты аб'ект сёння знаходзіцца ў высокай ступені гатоўнасці. У цяперашні час вядзецца мантаж самой лядовай пляцоўкі, завяршаецца электрыфікацыя аб'екта і працягваюцца ўнутраныя працы. Ужо аб'яўлены тэндар на закупку неабходнага абсталявання. Вызначаныя крыніцы фінансавання для завяршэння неабходных прац, добраўпарадкавання прылеглай тэрыторыі. «Мы паставілі перад будаўнікамі задачу паскорыць работы, каб увесці ў строй гэты аб'ект раней, чым запланавана», — сказаў Даманеўскі.
Будаўніцтва лядовай арэны было пачата ў 2010 годзе, затым прыпынена. У 2015 годзе будаўніцтва аднавілі. Ім займаецца Круглянская ПМК-266. Лядовая арэна ў Шклове разлічаная на 315 месцаў. Гэта будзе шматфункцыянальны будынак, дзе плануецца праводзіць не толькі спартовыя спаборніцтвы і трэніроўкі мясцовага хакейнага клуба, але і ўсе асноўныя гарадскія культурна-масавыя мерапрыемствы. У самім будынку акрамя лядовай пляцоўкі размесцяцца сауна і міні-басейн, а таксама аб'екты спадарожнай інфраструктуры.
Цяпер чытаюць
Дык усё ж ці бяспечны Telegram і для якіх мэтаў бяспечны? Вось што ясна на сёння11
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары