Беларускі вытворца спецтэхнікі «Амкадор» падпісаў пратакол аб куплі 50% пакістанскай кампаніі Fecto Belarus Tractors Limited. Дадзеную інфармацыю пацвердзіў начальнік аддзела інвестыцыйнага планавання «Амкадора» Марат Хаміцаеў.
Група Fecto была заснавана ў 1952 годзе. Кампанія спецыялізавалася на продажах і вытворчасці цукру, цэменту, МДФ і іншых вырабаў. У 1962 года Fecto наладзіла продаж савецкіх трактароў у Пакістане. Праз 20 гадоў з'явілася на свет ўласная зборачная вытворчасць. Асноўнай тэхнікай сталі машыны Мінскага трактарнага завода. За мінулы час на рынак Пакістана было прададзена 220 тысяч трактароў з былога Савецкага Саюза.
«Мы пачынаем мадэрнізацыю прадпрыемства ў Пакістане. На працягу трох гадоў мяркуецца інвеставаць каля 20 млн долараў. За гэты час плануем выйсці на выпуск 30 тысяч адзінак тэхнікі», — сказаў Марат Хаміцаеў.
На першым этапе плануецца стварыць два канвееры. Адзін будзе арыентаваны на зборку трактароў МТЗ, другі - спецмашын «Амкадор».
Цяпер «Амкадор» прыступае да вытворчасці дарожна-будаўнічай тэхнікі для далейшай пастаўкі ў Бангладэш. Балазе нядаўна паступіў першы плацёж па кантракце ў памеры 7,5 млн долараў.
Каментары