Генпракурор Беларусі на тэлеканале «Беларусь 1» папярэдзіў студэнтаў і іх бацькоў пра магчымыя правакацыі. Аляксандр Канюк лічыць, што іх могуць учыніць наркагандляры.
Ён прывёў прыклад, як пасля лекцыі ва ўніверсітэце да яго падышоў студэнт і паказаў атрыманы СМС з прапановай добра аплочваемай працы — за распаўсюд наркотыкаў. «Трэба разумець, як складана знайсці і вылічыць наркараспаўсюднікаў. Яны шыфруюцца вельмі сур'ёзна», — сказаў генпракурор.
Канюк дадаў, што ў Беларусі па-ранейшаму пакаранне за распаўсюд наркотыкаў будзе жорсткім, у тым ліку і для падлеткаў, якіх могуць прыцягваць да адказнасці з 14 гадоў. «У той жа час разумеем, што ў 14-15 гадоў да канца ўсвядоміць, што ты зрабіў, можа быць, яшчэ і немагчыма. Жорсткае пакаранне застанецца і яго змяняць у бліжэйшы час, я думаю, не будзем», — цытуе словы Аляксандра Канюка БЕЛТА.
Генпракурор нагадаў, што МУС прапануе асуджаных непаўналетніх раней выпускаць на волю пры наяўнасці важкіх прычын.
Цяпер чытаюць
У Гомелі закрылі забягалаўку прадпрымальніка-лукашыста і знішчылі яго плакат са Сталіным5
Каментары