Паліцыя Кіеўскай вобласці яшчэ ў снежні мінулага года закрыла крымінальную справу адносна пошуку каштоўнасцяў, якія зніклі з «Межыгор'я» пасля ўцёкаў экс-прэзідэнта Украіны Віктара Януковіча.
Пра гэта сведчыць адказ пракуратуры Кіеўскай вобласці на запыт дэпутата Дзмітрыя Дабрадомава, які ён апублікаваў у сваім блогу на «Украінскай праўдзе».
«Следчыя ГПУ, відавочна, лічаць міфам існаванне «залатога батона» Януковіча, знойдзенага журналістамі ў Межыгор'і ў лютым 2014 года. Інакш растлумачыць факт закрыцця крымінальнай вытворчасці аб знікненні сімвала карупцыі рэжыму Януковіча мне асабіста цяжка», — абурыўся ён.
Адказ Дабрадомаву сведчыць, што справу закрылі з-за «адсутнасці ў дзеянні складу крымінальнага правапарушэння».
«Таму маем дылему: ці не было ні «залатога батона», ні іншых каштоўнасцяў з Межыгор'я, якія выявілі журналісты, якія былі паказаныя ў ТБ-сюжэтах, і ў выніку бачыла ўся краіна, ці ж праваахоўнікі іх… знайшлі. А калі так, то на ўліку якога ведамства знаходзяцца гэтыя каштоўнасці коштам у мільёны?» — дадаў Дабрадомаў.
Ён таксама паабяцаў накіраваць афіцыйны запыт новаму генпракурору Юрыю Луцэнка, пацікавіўшыся ў ім, ці будуць пакараныя тыя, хто закрыў гэтую справу, а таксама тыя, хто закрыў справу, дзе фігуравалі экс-міністры і экс-прэм'ер Арсень Яцанюк.
Таксама Дабрадомаў плануе спытаць Луцэнку, «ці будуць даведзеныя да лагічнага фіналу справы аб карупцыі ў былым Кабінеце, разбазарванні і нямэтавым выкарыстанні дзяржсродкаў профільнымі міністэрствамі».
Як вядома, Генпракуратура ў красавіку мінулага года даручыла паліцыі Кіеўскай вобласці расследаваць справу аб выкраданні каштоўнасцяў з Межыгор'я.
Цяпер чытаюць
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП15
Каментары