Балтыйскія краіны для адказу на патэнцыйнае ўварванне Расіі маюць патрэбу ў зенітна-ракетных комплексах Patriot, сказаў камандуючы Сіламі бяспекі Эстоніі Рыха Тэрас у інтэрв'ю газеце Financial Times, перадае BNS.
У той час, калі НАТА разглядае ідэю аб размяшчэнні чатырох батальёнаў у сваіх усходніх краінах, расце асцярога, што гэтага не хопіць для надзейнага стрымлівання, якое прадухіліла б агрэсію з боку Расіі, адзначае газета ў апублікаваным у чацвер артыкуле.
Генерал-лейтэнант Тэрас сказаў, што недастатковыя здольнасці супрацьпаветранай абароны зрабілі Балтыйскі рэгіён уразлівым перад нечаканым нападам Расіі.
НАТА павінна разгледзець варыянт павелічэння колькасці ваенных самалётаў у рэгіёне і скласці план размяшчэння ракет Patriot.
Па словах Тэраса, вельмі важнай з пункту гледжання абараназдольнасці Эстоніі з'яўляецца здольнасць супрацьпаветранай абароны. «Мы павінны быць гатовыя, мы павінны вырашыць, што нам рабіць. Расія паводзіць сябе апартуністычным чынам. Калі адкрыецца акно магчымасцяў, яна ім скарыстаецца», - дадаў Тэрас.
«Балтыйскія краіны можна разглядаць як востраў, - сказаў Тэрас. —Розніца невялікая … па іх праходзяць ўсяго адна чыгунка і дзве шашы»
Лідары НАТА абмяркуюць павышэнне абараназдольнасці Усходняй Еўропы на маючым адбыцца ў ліпені саміце ў Варшаве.
Цяпер чытаюць
Цемнаскуры студэнт у Мінску паскардзіўся Лукашэнку на дарагую кока-колу. Ужо выбачаўся, але міліцыя ім зацікавілася4
Каментары