Калектыў «Ленінград» на сваім афіцыйным канале на партале YouTube 30 красавіка размясціў новы кліп на песню «У Піцеры — піць». Ролік за паўтара месяца набраў больш за 13 мільёнаў праглядаў.
Праўда, не ўсе гледачы задаволеныя пасылам гурту, некаторыя з іх лічаць, што Сяргею Шнураву час пачынаць прапагандаваць здаровы лад жыцця, а не паказваць існаванне простага рускага чалавека. У прыватнасці, рабочыя з Набярэжных Чаўноў вырашылі зняць сваю версію кліпа.
У роліку «У Чаўнах — пахаць» аўтары хацелі заявіць пра прэстыж рабочых прафесій.
У відэа пасля сваркі з начальнікам супрацоўнік арганізацыі не адпраўляецца за дозай алкаголю, а вырашае ўладкавацца рабочым на завод. Кампанію яму складаюць мадэль, аніматар і выпускнік ВНУ.
Стваральнікі кліпа адзначылі, што ў відэа няма ніводнага прафесійнага акцёра, а сам ролік быў зняты менш чым за двое сутак.
Па словах аўтараў кліпа, яны не чакалі, што іх тварэнне выкліча рэзананс і будзе карыстацца папулярнасцю. За тыдзень відэа набрала ў сеціве больш за 86 тысяч праглядаў.
Цяпер чытаюць
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў9
Каментары