Увечары 19 ліпеня, прыкладна з 18:00, расійская сістэма супрацьпаветранай абароны збіла тры дроны каля Масквы, пра што паведаміў яе мэр Сяргей Сабянін. Жыхары падмаскоўнага Троіцка таксама паведамлялі пра выбухі і збітыя дроны.
У сувязі з гэтым Расавіяцыя ўвяла рэжым «Дыван» — забарону на ўзлёт і пасадку цывільных самалётаў у аэрапортах Дамадзедава і Унукава. Раней падобныя абмежаванні дзейнічалі і ў аэрапорце Калугі. У ноч з 18 на 19 ліпеня таксама часова закрывалі аэрапорт Шарамецьева.
Па словах Сяргея Сабяніна, мінулай ноччу ў Падмаскоўі збілі 13 украінскіх беспілотнікаў, столькі ж было нібыта знішчана і 18 ліпеня, а яшчэ чатыры — у чацвер. Міністэрства абароны РФ паведамляе, што толькі за суботу расійская СПА знішчыла 20 дронаў у рэгіёне Масквы. За апошнія тры дні над расійскай сталіцай было нібыта збіта амаль 50 беспілотнікаў.
У выніку гэтых атак і закрыцця аэрапортаў узніклі сур’ёзныя затрымкі рэйсаў. На гэтым фоне Расавіяцыя пагражае авіякампаніі Turkish Airlines санкцыямі за тое, што пасажыры не змаглі амаль суткі вылецець з Унукава ў турэцкі Бодрум.
Атакі ўкраінскіх БПЛА закранулі і Растоўскую вобласць: абломкі дрона пашкодзілі кантактную сетку на адной з чыгуначных ліній, што спыніла рух цягнікоў.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары