Сям'я мінскага рабочага 100 гадоў захоўвала кавалачак хлеба з памятнага абеду
«Супчык з'еў, а хлябец пакінуў на памяць пра тое, як кормяць дэлегатаў мінскіх».
На выставе «Гастранамічная гісторыя Мінска. ХХ стагоддзе» на Ракаўскай, 17 можна ўбачыць незвычайны экспанат: кавалачак хлеба, якому ўжо больш за 100 гадоў.
Гэта порцыя хлеба 1918 года. Яе захаваў мінскі рэвалюцыянер і рабочы-чыгуначнік Іосіф Голубеў, расказвае Музей гісторыі Мінска.
2-4 студзеня 1918 года Голубеў як дэлегат мінскіх рабочых быў у камандзіроўцы ў Маскве ў галоўным чыгуначным камітэце, дзе адстойваў правы рамонтнікаў працаваць па новых зацверджаных расцэнках.
Дэлегатаў у Маскве пачаставалі абедам, пра што рабочы зрабіў запіс на сурвэтцы. Хлебная порцыя складалася з дзвюх лустаў хлеба — з часам яны высахлі, разламаліся і сталі чатырма сухарыкамі. Голубеў захоўваў іх у бляшаначцы з-пад халвы на працягу ўсяго жыцця. Прадмет перадаў у музей унук Голубева Уладзімір.
«Маскоўскі абед таварыша Чарнова, Нікіціна, Аляшковіча і Голубева. Супчык з'еў, а хлябец пакінуў на памяць пра тое, як кормяць дэлегатаў мінскіх. 3 студзеня 1918 года будучы ў Маскве адабедаў па членскім білеце ў гэты дзень порцыі … суп з рыбай … вараная капуста 3-е хлеб 3/4 залатніка 4-е папяровая сурвэтка, у якую і загарнуў хлябец», — напісана на сурвэтцы.
Голубеў (1873—1962) нарадзіўся ў сяле Кулебакі (цяпер Ніжагародская вобласць Расіі), з 1900 года жыў у Мінску і працаваў сталяром у Мінскім чыгуначным дэпо. Удзельнічаў у рэвалюцыйных падзеях 1905-1907 гадоў, Лютаўскай і Кастрычніцкай рэвалюцыях 1917 года. З 1922 года працаваў на заводзе «Энергія». У 1933 ЦВК БССР даў Голубеву званне Героя працы.
Рабочы пакінуў пасля сябе дзённікі. Часткова гэтыя ўспаміны апублікаваны ў кнізе «Шчасце маё. Дзённікі Іосіфа Голубева 1916-1923 гг.». У Мінску ў гонар Голубева названа вуліца.
-
На захадзе Польшчы знайшлі артэфакт, падобны да таго, што нарабіў шуму пры раскопках гарадзішча на Менцы
-
Паглядзіце, як беларусы ўпарадкоўваюць старыя габрэйскія могілкі — розніца паміж «да» і «пасля» ўражвае
-
Як беларусы чыталі і вымаўлялі царкоўнаславянскія словы ў XVIII стагоддзі? Ёсць магчымасць гэта высветліць
Цяпер чытаюць
Былы вядучы БТ, які звольніўся ў 2020-м і выехаў у Славакію, расказаў, як жыве цяпер2
Каментары
растлумачце, пра што тут?
А што за слова "хлебушак"? Гэта нешта зробленае з хлеба?
Ніколі не сустракалася
Адбылося паломніцтва ў святое месца для савецкага чалавека - сталіцу Маскву. Паломнік захаваў артэфакт з той пілігрымкі на памяць.