Учора, 24 чэрвеня, завяршыўся рабочы візыт Аляксандра Лукашэнкі ва Узбекістан, дзе ён прымаў удзел у пасяджэнні Савета кіраўнікоў дзяржаў — членаў Шанхайскай арганізацыі супрацоўніцтва (ШАС).
Як напярэдадні паведамляла прэс-служба прэзідэнта, у Лукашэнкі былі таксама запланаваныя двухбаковыя сустрэчы з лідарамі замежных краін. З якімі менавіта лідарамі — прэс-служба не ўдакладняла.
Як вынікае з афіцыйных справаздач па выніках візіта, у Лукашэнкі ў Ташкенце прайшлі дзве двухбаковыя сустрэчы: са старшынёй КНР Сі Цзіньпінам і прэм’ер-міністрам Індыі Нарэндрай Дамадардасам Модзі. З прэзідэнтам РФ Уладзімірам Пуціным, які таксама прымаў удзел у саміце ШАС, Лукашэнка тэт-а-тэт не сустракаўся.
Пасля завяршэння саміта Пуцін паляцеў у Кітай, а Лукашэнка вярнуўся ў Беларусь.
Каментары