Кіраўнік Дзярждэпу ЗША Джон Кэры пагутарыў па тэлефоне з кіраўніком турэцкага МЗС Меўлютам Чавушаглу і адкінуў заявы пра тое, што ЗША датычныя да спробы перавароту ў Турцыі, паведамляе Reuters са спасылкай на прадстаўніка амерыканскага ведамства Джона Кірбі.
«Ён [Кэры] даў зразумець, што ЗША хацелі б аказаць дапамогу турэцкім уладам у правядзенні расследавання і што публічныя інсінуацыі і сцвярджэнні аб ролі ЗША ў спробе перавароту, якая правалілася, абсалютна няслушныя і шкодныя для двухбаковых адносінаў», - сказаў Кірбі.
Кэры заклікаў Турцыю быць стрыманай і паважаць вяршэнства права ў расследаванні змовы, адзначыў прадстаўнік Дзярждэпу.
Прэзідэнт Турцыі Рэджэп Таіп Эрдаган раней заяўляў, што натхняльнікам бунту стаў Фетхула Гюлен, турэцкі пісьменнік, былы імам і прапаведнік, ісламскі грамадскі дзеяч, які пражывае ў добраахвотным выгнанні ў Сэйларсбургу, штат Пенсільванія, ЗША. Кіраўнік турэцкай дзяржавы адзначаў, што выканаўцы перавароту атрымлівалі загады з Пенсільваніі, а пазней заклікаў прэзідэнта ЗША альбо дэпартаваць Гюлена, альбо выдаць яго Турцыі.
Як піша Bloomberg, міністр працы Сулейман Сойле пайшоў далей, заявіўшы, што ЗША «стаяць за пераваротам» да таго часу, пакуль прадастаўляюць Гюлену прытулак.
Сам Гюлен сваю датычнасьць да перавароту адмаўляе. У інтэрв'ю, дадзеным журналістам з Пенсільваніі, ён заявіў, што мяцеж можа быць «інсцэніроўкай».
Чавушаглу раней заяўляў, што да спробы перавароту датычныя вайскоўцы з авіябазы НАТА ў Турцыі Інджырлік, якая выкарыстоўваецца ЗША для нанясення удараў па «ісламскай дзяржаве».
Цяпер чытаюць
«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу12
Каментары