Магутны выбух прагрымеў на заводзе Міністэрства абароннай прамысловасці каля 15.00 ў азербайджанскім горадзе Шырван, у 120 кіламетрах ад Баку. Як паведамляе ТАСС, пацярпелі 20 чалавек.
Şirvan şəhərində partlayış baş veribhttps://t.co/5zm8oSlELz #Azerbaijan #Azertac pic.twitter.com/fBeIpxYISW
«Параненыя 20 чалавек, якія з рознымі траўмамі і апёкамі шпіталізаваныя ў Шырванскую цэнтральную гарадскую бальніцу», — паведамілі ў прэс-службе Міністэрства аховы здароўя Азербайджана. Там таксама адзначылі, што «па-ранейшаму не маюць інфармацыі аб загінулых».
У Шырване таксама знаходзіцца кіраўніцтва Міністэрства па надзвычайных сітуацыях.
Як паведамляе РІАН, некаторыя з параненых знаходзяцца ў цяжкім стане.
Агенцтва паведаміла са спасылкай на відавочцаў, што грукат снарадаў чутны за дзесяць кіламетраў ад месца здарэння, у горадзе выбухной хваляй выбіла шыбы ў будынках.
Жыхары бліжэйшых да заводу дамоў эвакуяваныя. У радыусе двух кіламетраў перакрытыя дарогі. Ля месца здарэння дзяжураць брыгады хуткай дапамогі.
Паводле папярэдняй версіі, інцыдэнт меў месца на складзе гатовай прадукцыі завода пры адгрузцы снарадаў. Прычыны здарэння высвятляюцца.
-
Пуцін запатрабаваў ад Украіны прызнаць «рэферэндумы» на акупаваных тэрыторыях і адмовіцца ад уступлення ў «любыя замежныя саюзы»
-
«Значыць, я шмат добрага зрабіла». За што расійскую валанцёрку Надзін Гейслер, якая дапамагала ўкраінцам, прыгаварылі да 22 гадоў калоніі
-
Кіраўнік палесцінскага падраздзялення КВІР забіты ў кватэры ў Іране
Цяпер чытаюць
Лукашэнка сустрэўся са спецпасланнікам Трампа Кітам Келагам9
Каментары