Лідары дзвюх кішэнных беларускіх партый пасварыліся высвятляючы, хто з іх за рускі свет
Старшыні Беларускай патрыятычнай партыі Мікалай Улаховіч і Рэспубліканскай партыі працы і справядлівасці Васіль Задняпраны зарэгістраваныя кандыдатамі ў дэпутаты па Сенніцкай выбарчай акрузе №76. Кандыдаты пачалі высвятляць паміж сабой адносіны.
Падчас анлайна на сайце tut.by Мікалай Улаховіч гэтак сказаў пра свайго суперніка: «Гэта партыя рускага свету. Я буду супраць яе змагацца, чаму не. Я ж патрыёт Беларусі, а не патрыёт славянізму, ці трыадзінства. Ніякая партыя рускага свету тут не прыжывецца, могуць нават не разлічваць».
Мікалай Улаховіч, апроч партыйнай нагружанасці, таксама ўзначальвае арганізацыю «Беларускае казацтва», з’яўляецца яе вярхоўным атаманам.
На такую заўвагу пра «партыю рускага свету» пакрыўдзіўся Васіль Задняпраны. «Не чакаў ад Улаховіча такога бруду. Хай бы засяродзіўся на сваёй праграме, Бог яму суддзя», — напісаў Задняпранны ў твітары.
Не ожидал от Улаховича грязи: "БНФ-фашисты, РПТС-за русский мир" Сосредоточился бы на своей программе. Бог ему судья pic.twitter.com/ZbvLyB15JX
«Няма больш прабеларускай партыі, чым РППС. Разам з тым, і рускія, і ўкраінцы — для мяне браты, і я ніколі не буду іх цурацца», — заключае Задняпранны.
Нет более "пробелорусской" партии, чем РПТС. Вместе с тем, и русские, и украинцы для меня братья, и я никогда не буду чураться дружбы с ними
Васіль Задняпранны — у мінулым вайсковы лётчык, прайшоў Афганістан. Выступае за актыўнае супрацоўніцтва з Расіяй.
І Беларуская патрыятычная партыя, і Рэспубліканская партыя працы і справядлівасці з’яўляюцца кішэннымі партыямі ўлады ў сённяшняй Беларусі. Яны ніколі не крытыкуюць улады, а іх пазнавальнасць у грамадстве блізкая да нулявой.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1616
Каментары