Зборная Латвіі па скелетоне адмовілася ўдзельнічаць у чэмпіянаце свету па бабслеі і скелетоне, які ў 2017 годзе пройдзе ў Сочы. Пра гэта гаворыцца ў прэс-рэлізе, апублікаваным на сайце латвійскай зборнай у нядзелю, 11 снежня.
«Прайшло нямала часу з таго моманту, як Сусветнае антыдопінгавае агенцтва (WADA) і Міжнародны алімпійскі камітэт (МАК) упершыню апублікавалі інфармацыю пра несумленных спартоўцаў у нашым відзе спорту. Цяпер, пасля апошніх паведамленняў, мы заяўляем: з нас хопіць», — гаворыцца ў дакуменце.
Як падкрэслілі латвійскія спартоўцы, на чэмпіянаце свету па біятлоне і скелетоне, што мае адбыцца, яны з радасцю выступяць на спаборніцтвах у любой краіне, але не будуць удзельнічаць у ЧС у Сочы — «там, дзе ў 2014 годзе быў скрадзены дух Алімпіяды».
Чэмпіянат свету па бабслеі і скелетоне пройдзе ў Сочы з 13 па 26 лютага 2017 года. Раней газета The New York Times пісала, што магчымасць байкатаваць ЧС разглядае зборная ЗША, паведамляе DW.
Цяпер чытаюць
«Паднябеннага збіваў былы начальнік калоніі». Вось што расказваюць пра палітвязня, які загінуў за кратамі ў 36 гадоў6
Каментары