Гандлёвыя аб'екты сталіцы перайшлі на перадсвяточны рэжым гандлю — без выхадных.
Так, на Камароўскім рынку традыцыйныя выхадныя па панядзелках на час святаў адмяняюцца — гэты найстарэйшы ў горадзе гандлёвы комплекс будзе працаваць таксама 19, 26 снежня і 2 студзеня, паведаміла прэс-служба галоўнага ўпраўлення спажывецкага рынку (ГУСР) Мінгарвыканкама. Выхадны на рынку абвешчаны ў навагоднюю нядзелю, 1 студзеня.
Курасоўшчынскі рынак, які працуе з 8.00 да 18.00 таксама з выходнымі па панядзелках, будзе працаваць і 26 снежня.
Гандлёвы цэнтр «Купалаўскі», які працуе з 11.00 да 19.00 з выходнымі па нядзелях, 25 снежня таксама будзе працаваць.
ГУПР нагадвае, што з 15 снежня па 15 студзеня працуе калядны кірмаш — каля Палаца спорту на праспекце Пераможцаў і на Кастрычніцкай плошчы.
«У кірмашовых драўляных хатках арганізаваны продаж гарачых бліноў з рознымі начынкамі, духмянага глінтвейну, сакавітага шашлыку, гарачай выпечкі, дранікаў, кандытарскіх вырабаў, страў беларускай кухні. Таксама на пляцоўцы можна набыць падарункі, сувеніры з сімволікай новага года, святочную атрыбутыку», — адзначыла прэс-служба.
На пляцоўцы каля Палаца спорту таксама праходзіць Мінскі міжнародны калядны фестываль. У яго праграме калядны кірмаш (драўляныя гандлёвыя шале, у якіх арганізацыі і прадпрыемствы з розных рэгіёнаў Беларусі, Расіі і краін Балтыі прадстаўляюць шырокі асартымент прадукцыі — ад традыцыйных навагодніх упрыгажэнняў і падарункаў да прадукцыі харчовай і лёгкай прамысловасці). Акрамя таго, тут працуе парк атракцыёнаў і дзіцячая пляцоўка.
Рэжым працы кірмашоў: каля Палаца спорту — з 12.00 да 21.00 па 15 студзеня; на Кастрычніцкай плошчы — з 12.00 да 21.00 па 23 снежня; з 12.00 да 22.00 з 24 снежня па 7 студзеня і з 12.00 да 20.00 з 8 па 15 студзеня.
Кірмашовыя гандлёвыя рады каля Палаца спорту будуць працаваць і ў навагоднюю ноч да 4 гадзін раніцы.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары